Skilmálar Fætur Toga
Meginupplýsingar
Þessi skilmáli gildir um sölu á vöru og þjónustu Fætur Toga til neytenda. Skilmálinn, sem staðfestur er með staðfestingu á kaupum, er grunnurinn að viðskiptunum. Skilmálinn og aðrar upplýsingar á www.faeturtoga.is eru einungis fáanlegar á íslensku.
Um neytendakaup þessi er fjallað um í lögum um neytendakaup, lögum um samningsgerð, lögum um rafræn viðskipti og aðra rafræna þjónustu, lögræðislög og lögum um persónuvernd og meðferð persónuupplýsinga.
1. Skilgreining
Seljandi er Run2 ehf. Kennitala: 640211-0320 , virðisaukaskattsnúmer 107400. Run2 ehf. er skráð í Fyrirtækjaskrá.
Kaupandi er sá aðili sem er skráður kaupandi á reikning. Kaupandi verður að vera orðinn að minnsta kosti 14 ára til að versla í Vefverslun Fætur Toga
2. Trúnaðarupplýsingar
Fætur Toga heitir viðskiptavinum sínum fullum trúnaði um allar þær upplýsingar sem viðskiptarvinurinn gefur upp í tengslum við viðskiptin. Um meðferð allra persónuupplýsinga fer í samræmi við lög nr. 77/2000 um persónuvernd.
Farið er með allar persónuupplýsingar sem Fætur Toga móttekur sem algjört trúnaðarmál og þær aðeins nýttar í þeim tilgangi að klára viðskiptafærslu. Ef viðskiptavinur óskar eftir því að fá tilboð sent í tölvupósti mun seljandi einungis notast við þær upplýsingar sem til þess þarf. Þ.e. Netfang.
Einungis starfsfólk Fætur Toga hafa aðgang að persónuupplýsingum sem fyrirtækið hefur á skrá. Persónuupplýsingar eru aldrei veittar þriðja aðila.
3. Verð og greiðsla
Boðið er upp á tvo greiðslumöguleika. Annars vegar bankamillifærslu á reikning Eins og Fætur Toga ehf., kt. 640211-0320 rk. 0133-26-012606 og með greiðslukorti í gegnum öruggt greiðslusvæði hjá viðurkenndum þjónustuaðila.
Öll birt verð á vefsíðu Fætur Toga eru með virðisaukaskatti. Verð geta breyst án fyrirvara vegna rangra verðupplýsinga, innsláttar-, tækni- eða prentvillna. Seljandi áskilur sér rétt til að rifta kaupum sé greitt rangt verð vegna innsláttar-, tækni- eða prentvillna.
4. Heimsending og afhendingarskilmálar
Pantanir á landsbyggð eru sendar með Pósitinum og við gefum okkur 1-2 virka daga til að finnta til pöntunina og koma pakkanum á póstinn.
Ef pantað er eftir klukkan 14, um helgar, eða á frídögum, fer pöntun af stað næsta virka dag.
Ef afhendingu seinkar mun seljandi tilkynna það til kaupanda ásamt upplýsingum um hvenær pöntunin verður tilbúin til afhendingar eða bjóða sambærilega vöru ef að varan er uppseld.
Ef valið er að sækja og greiða pöntun hefur viðkomandi 10 virka daga til að sækja og greiða pöntunina eða hætt verður við hana. Nema um annað sé samið. Þetta á bara við um ógreiddar netpantanir.
Hafi vara ekki verið sótt innan 2 mánaða eftir að hún er tilbúin til afhendingar fer hún aftur í sölu. Run2 ehf. áskilur sér rétt á að endurgreiða ekki ósóttar pantanir.
5. Skilaréttur
Skilaréttur Fætur Toga er samkvæmt lögum um húsgöngu- og fjarsölusamninga nr. 46/2000. Viðskiptarvinur hefur 14 daga til að hætta við kaupin eftir að varan hefur verið keypt, að því tilskildu að varan sé í upprunalegu ástandi ásamt umbúðunum. Kvittun fyrir vörukaupunum þarf að fylgja með. Endurgreiðsla er framkvæmd að fullu ef ofangreind skilyrði eru uppfyllt og eftir að varan er móttekin. Flutnings- og póstburðargjöld eru ekki endurgreidd. Endursending á vörum til skila eða skiptana er á ábyrgð kaupanda nema ef um gallaða eða ranga vöru er að ræða.
Ef vara er gölluð eða ef vara skilar sér ekki til þín í pósti, skal hafa samband við okkur strax í gegnum netfangið faeturtoga@faeturtoga.is.
6. Upplýsingar
Seljandi áskilur sér rétt til að aflýsa í heild eða að hluta til pöntun kaupanda ef að varan er uppseld. Undir þeim kringumstæðum fær kaupandi símhringingu ásamt upplýsingum um hvað gæti mögulega hentað í staðinn. Kaupandi fær þá möguleika á að samþykkja þá tillögu eða aflýsa pöntun í heild sinni.
Allt efni á www.faeturtoga.is er eign Run2 ehf. Öll afritun og endurdreifing með öllu óheimil nema með skriflegu leyfi.
