Göngugreining fyrir fullorðna (18 ára og eldri) kostar 8.990kr og kosta séraðlöguð 3D prentuð innlegg 27.990kr.
Þá er einnig hægt að fá þessi hefðbundnu sérsmíðuðu fullorðins innlegg á 19.990 kr
Börn 17 ára og yngri er greiða 6.990kr og borga 22.490kr fyrir séraðlöguð 3D prentuð innlegg.
Þá er einnig hægt að fá þessi hefðbundnu sérsmíðuðu barna innlegg (fram að stærð 35) á 16.990 kr
Einnig er hægt að fá einungis lengdarmælingu sem kostar 4.990 kr.
Við veitum 20% afslátt við pöntun á auka pari af innleggjum. Gott er að athuga hjá þínu stéttarfélagi varðandi kostnað við göngugreiningu og/eða innlegg.
Hvað er skoðað í göngugreiningu
Í göngugreiningu er skoðað hvernig álag dreifist á fótinn í skrefinu, hvort skekkjur séu í hælum, ökklum eða hnjám og mælt hvort mislengd sé á ganglimum bæði frá mjöðmum og hnjám. Einnig er athugað hvernig viðkomandi beitir sér við göngu og hlaup ef það á við.
Aldur í greiningu
Það er enginn of gamall til að koma í göngugreiningu, við tökum á móti fólki á öllum aldri.
Á eftirfarandi við þig? Þá ættir þú að koma í göngugreiningu
- Verkir í baki, mjöðmum, hnjám, ökklum, hælum, tábergi eða leggjum. Sérstaklega ef verkirnir eru einungis öðru megin.
- Mislengd ganglima (annar fóturinn lengri en hinn).
- Sýnilegar skekkjur í hælum, ökklum og/eða hnjám.
- Flatur fótur (plattfótur, fallinn iljarbogi) eða hár iljarbogi þar sem stigið er einungis í hæl og táberg.
- Tábergssig og/eða þreyta, doði, hiti, kuldi, stingandi tilfinning í tábergi og/eða tám.
- Bólgur og eymsli undir iljum og/eða hælum (plantar fasciitis, hælspori) og beinhimnubólga eða hásinabólga.
- Fá bestu ráðleggingu sem völ er á við val á hlaupaskóm.
- Mikið álag í íþróttum. Sérstaklega ef um endurtekin meiðsli er að ræða.
- Mikil staða og ganga á hörðu undirlagi í vinnu.
- Aflaganir á fæti eða óeðlilegur vöxtur beina.
Innlegg
Í kjölfar göngugreiningu getum við útbúið sérgerð innlegg. Fætur Toga nýtir nýjustu tækni í göngugreiningum og eru öll innlegg 3D prentuð og sérsniðin að hverjum og einum. Með göngugreiningu færðu upplýsingar um hvort einhverjar skekkjur séu í fótum, sem geta valdið stoðkerfisvandamálum. Við ráðleggjum hvað hentar viðkomandi í daglega notkun, vinnu og íþróttir. Ef mæld er mislengd á fótleggjum og ákveðið er að hækka er hækkunin innbyggð í innleggin og notast er við hækkunarpúða í þá skó sem innleggin eru ekki notuð. Almennur afgreiðslutími sérgerðra innleggja eru 14 virkir dagar, getur verið lengur á háannatímum.
Með þessari nýjustu tækni getum við aðlagað okkur að allskonar verkefnum. Fleiri möguleikar á innleggja smíði á ákveðnum skótýpum auðveldast til muna (takkaskór, háir hælar o.fl.)
Ekki er þó ávallt þörf á sérsmíðuðum innleggjum og munu sérfræðingar okkar leiðbeina þér hvað gera skal eftir greiningu.
Skóbúnaður og ráðleggingar
Ráðleggjum hvað skal hafa í huga við val á skóm. Mælum með stuðningsvörum (stuðnings- og/eða hitahlífum eða spelkum) ef þarf. Mælum með æfingum eða teygjum ef það á við og getum bent á hvort aðrir meðferðaraðilar gætu hjálpað svo sem sjúkraþjálfari, nuddari, kírópraktor eða læknir.
Búnaður í göngugreiningar
Við notum framúrskarandi búnað frá RSscan. Nýja V9 3D hátæknilega þrýstiplötu, hlaupabretti, upptökubúnað og sérhannaðan tölvuhugbúnað. Einnig notum við sérgerð hallamál til mælingar á mislengd ganglima frá mjöðmum og hnjám.
Tími í göngugreingu
20 mínútur.
Endurkoma
Allir sem koma í göngugreiningu eiga kost á að koma í fría endurkomu innan 4 mánaða ef þörf er á. Í endurkomunni er skoðað hvort breytingar hafi átt sér stað. Ef notast var við innlegg eru þau skoðuð og þeim breytt sé þess þörf. Þeir sem mælast með mislengd ganglima ættu að koma eftir u.þ.b. 3 mánuði og önnur mæling er tekin til að staðfesta fyrri mælingu eða hvort breytinga sé þörf.
Tími í endurkomu
10-30 mínútur.
15% afsláttur af skóm í verslun
Viðskiptavinir sem koma í göngugreiningu fá 15% afslátt af skóm eftir greiningu. Við aðstoðum þig að velja réttu skóna útfrá niðurstöðu göngugreiningar. Það er hægt að nota sérgerð innlegg í alla skó sem við seljum.
Ný byltingarkennd innlegg
Innleggin okkar eru hönnuð í samvinnu við virt stoðtækjafyrirtæki frá Þýskalandi. Innleggin eru ótrúlega mjúk og þægileg en þau eru framleidd úr mjög höggdempandi efni og veita góðan stuðning undir iljarboga og táberg ásamt styrkingum og hækkunum samkvæmt göngugreiningu. Innleggin eru sérgerð fyrir hvern einstakling. Þau passa í flesta skó sem gefa gott pláss og hægt er að fjarlægja upprunalegu innleggin.
Hægt er að bóka tíma í göngugreiningu í síma 557-7100, senda póst á faeturtoga@faeturtoga.is eða með því að smella hér
